Гүнжийн жим

Нар дагасан урсгалтай

Гүйгүүл зүрхний бодол

Нялхарч жаргасан нь дурсгалтай

Боржигон...гэж

Хуур дагасан аялгуу

Босоо төрсөн унагад

Хутагтын цээжинд үүрсэх шавил

                                   Жаахан морьд оо

                                                           2003.10.28

Дуу дугараа хоёрт нь согтмоор

Отгон найранд

Дурлал аргадан өлгийдмөөр

Охидын харцанд

Таашаал үлдэх зүрхний

Анаир чуулна

Таана хэнзэлсэн толгодын

Агь хөлөрч дуулна

                                          2003.10.10

Нэхэл хатуу орчлон

Сэтгэл дундуур урсана

Нэг л сайхан хүслэн

Сэрэл доогуур дуншина.

Нүгэл сүлсэн зул

Бурхадын өмнө бадамлана.

Нөмгөн шөнийн саран

Дуу аргадан нялхарна.

                                            2003 он

Харц талимсан бүсгүйн бодол

Харанхуй шөнө мэт далд

Энгэрийнх нь хос алтан үзэм

Эрдэнэс мэт машид нууц

Миний тулж очоод зогссон

Гоёмсог нэгэн татуурга

Гогод ургамал нуугдсан

Чиний эзэмшил газар

                                            2003.04.09       

Үдшээр

Өвсөн дунд жаргахад

Өндөр хөх тэнгэр

Орой дээр гангарна.

Сэтгэл амирлангуй

Уйтгар үргэж алдуурна

Сэр сэр салхин

Уйлж дуулж зүрхэнд хуурдана

                                                     2001.06.10