Шармал алтан Хэрлэнгийн хүндий

Шаргал шаргал гэгээтэй

Шаргачин голдуу зээр

Олоон олон янзагатай

          ***   ***   ***

Сэлүүн талын салхи

Дураараа хэснэ

Сэтгэлийн минь үзүүрт

Дурлалт чи минь оршино.

          ***    ***    ***

Эрэвгэр хөөрхөн бутан дотор

Халиуны зулзага бялуурч согтоно

Энэ л шөнийн бурхан сэтгэл

Хар дарсан зүүднээс сэрж нялхарна.

         ***     ***     ***

Шармал алтан навчис

Нарны тоосыг эсгэж божинэ

Шанх ороосон салхинд элгэмсэж

Намаржааны хөлөөр шилэрч буцна.

         ***    ***    ***

Шаргал навчисаа гүвсэн модод

Шаналан энэлэн гансард...

Ангирын дуу гангарч

Сул аялгуу исгэрнэ.

Аадрын үүлс нүүгэлтэж

Сувдан зэрэглээ шилэрнэ.

         ***    ***    ***

Тэргэл сарны мөнгөн асгарт

Бодлоо нисгэе

Тэрлэг нимгэн орчлонгийн униарт

Гунигаа нимгэлье.

        ***    ***    ***

Бодол бодолдоо орооцолдон

Хүмүүний явдал тэгширнэ

Болор салхи цуучиж

Хүслийн чагатга алдуурна.

Монгол наадмын торгон дэвжээ

Цол дуудна

Монхор хөх өвгөн

Гал гуайн нэр дуурсана.

*********

Агсаруу шүлэгчийн зүрх

Найргийн гал өрдөнө.

Алтан солир шатаж

Тэнэг бодол урвана.

*******

Ижилгүй ганцхан шарга

Хэрлэн цалигтал үүрсэнэ.

Ижий минь ...

Их их өвс

Давалгаалан эрчилнэ

Идэр насны

Даруухан хайранд элгэмсэнэ.

            ***  ***  ***

Хаврын хавартаа

Шувуудын ганганааг анирлан

Хайр нэхэн

Чулуудын шивнээг аргадана.

1994 он

               ***   ***   ***

 “Малахын”- их тал

Мичид жилийн зүүд эсгэнэ

Манхан хөх асартаа

Миний багын дуу нисгэнэ

               ***   ***   ***

Борог өвс

Бал шүүсээ асгаж

Босоо төрсөн унагадын

Алтан туурай угаана

               ***   ***   ***

Энэ хаврын цэнхэрлэг аяс

Мөөмөн толгод гоёж гижигдэнэ.

Их талын цэлэлзэх хаяа алс

Мөнгөн зэрэглээ хүлхэж гэрэ...

Гэнэ гэнэхэн би

Гэгэлзтэл дуулмаараа

Гэрэл сүүдрийг ч

Гэтэлж туучмаараа

Гэвч ... чинийхээ

Гил хархан

Гэзэгний чинь үнэрт

Хайраар гэрэлтэж

Шүлэг шигээ

Шал согтуурхаж

Хань чамдаа эрхлэн

Халамцаж жаргадаг аа

                                                                          1999.11.23

Бэлд нь хөллөн

Би өндийж боссон

Газар ижийн

Ганц амин

 

Уулсаа гэж уулс

Ухаарлын цэнхэр уянга

Эгэл насыг минь

Ивээх их тэнгэр

 

Амь амьдралын

Алтан титэм

Мичид шүргэм энэ олон уулс

Миний амин түшиг ээ

                                                      1998 он