Хайрын харц нь
Надтай ирмэлцэх
Халуун зүрх нь
Нар шиг төөнөх
Чи гэж би
Чийг даасан
Бор үдшийн
Босго давсан алхаа
Өглөгийн гэгээ
Чам руу цацрах
Өр өмлөн сэтгэл
Чам шиг дүрэлзэх
Би гэж чи
Бидэн хоёр гэж
Бие бие рүүгээ асалдах
Хайрын гал...
1999.10.05
Нутгийн хөх өвгөдөө
Юунд гомдоов
Би л том дуугарав уу даа
Нулимсаа нуусхийж арчих
Дулаан харцанд нь
Гэмээ цайлган аргадья даа
1999.10.12
Шүдэнз асаахын дайтай
Зурс хийгээд өнгөрөх
Амьдрал ахархандаа хатуурхавч
Шүлэг шигээ би
Зуун зууны дараах
Амьдын сайхан диваажин даа гэрэлтэнэ
1998.10.10
Чамайг эзгүйд гансарч хонов.
Час улаан наран ганцаардаж шургав.
Чанад холын салхин ч галзуурч хонов.
Цаг доор гал бурхан зэвэргэн хонов.
Нялгын цэнхэр уулс минь ч
Над шиг өөрөөр чинь дутаж хонов
Насны гал хүслэн
Чам шиг үнсэлтээр чинь дутаж хонов
Зүүн уулсын санан ч
Чагатга тоонон дээр өеөдөж хонов
Зүүд гэмээн зүүд
Чамаар дүүр ч өвөр дулаан хонов.
Чамайг эзгүйд...
2001.03.19
Эрхэтий хайрханыхаа
Чулуунаас гоёсон цул хөндлөн
Ижий бурханыхаа
Цуснаас амилсан ил хөндлөн
Иймдээ л би
Тэс хөндлөн хөх эр
Ирж буцахын туйлыг
Тэнцүүлж үүрсэн ил хөндлөн эр
Сар наран цалгилсан
Тэнгэрийн дайтай тэс хөндлөн
Салхи шуурга цалалсан
Газрын зурлагатай гал хөндлөн
Хэлэх үг минь ч хатуу
Хад чулуу мэт хөндлөн
Хэрлэн Туулын
Хатан ус шигээ хөндлөн
Долоон бурхад руу
Бодлоо нисгэж туйлсан их хөндлөн
Домгийн сайхан
Хүслээ жаргааж дуулсан хөндлөн
Ирж буцахын туйл
Зөлөөнгө хатуутай нь аргадсан хөндлөн
Ижийгээ санахдаа
Зүрхэндээ нулимстай хөндлөн
Ийм дээ л б...
Бичлэг тандагч