Дурсамж хайрламаар
Дулаан харц сэтгэл нэхээд л
Дутуу жаргалан
Илүү зовлон энгэр цоргиод л
            Ээ халаг
            Ижий минь алгаа
Тогоотой сүү дэврэхэд
Уулгалаад босох
Тормондоо Ингэ гунганахад
Урдаас нь налайтал тосох
            Ижий минь алгаа
            Ээ халаг.......
 
                              1998 он

2010 оны 11-р сарын 30 Нийтэлсэн P. Enkhbayar

Таана нялхарч сугсалзсан
Талын жаахан уулаа би сандаг
Ижилгүй ганц бурхан
Ижийгээ би санадаг шиг
Эрвээхэй гангарч согтсон
Эрхэтийн уулаа би санадаг.
Ижийг минь нуучихсан
Салхит ууландаа очихсон
Эрдэнийн гал цэцэг
Чөдгөрийнх нь гэрэлд тоглохсон
Ижилгүй ганц бурхан
Ижийгээ би санадаг шиг
Эврээхэй гангарч согтсон
Эрхэтийн уулаа би санадаг аа.
                                
                                    2004.01.10

...

Хань минь чамайг эзгүй явахад

Халуу түгсэн гэр минь зэврээд

Гандмал намрын өнгө шиг сэтгэл бүүдийгээд

Галын бурхан чи минь сэм сэмхэн үгүйлэгдэх юмдаа.

Чамайг харин алсаас ирэхэд

Час улаан наран тооноор шургачин

Гэгээ гэрэл илч халуун төөнөөд

Гэрийн хаяа эрийн заяа сэргээд явчих юмдаа

Хань минь хань минь гэгч

Яасан их илч гэрэл байдаг юм бэ?

Хайхарч мэдэлгүй би

Ямар их удсан юм бэ?

Гэргий ханийнхаа эзгүйд

Бичсэн шүлэг минь

Гэгэлхэн намрын өнгө аяс шиг

Зэвэргэн болчихдог юм бай...

Гэрэлт дэлхий дүүртэл

Гэзэг үсэндээ ширэлдэх

Гэнэ гэнэхэн гэгэлзэвч

Гэргий чам шигээ гэрэлтэх

       Миний араншин

       Дураар араншин

Бусдын үгэнд сөгдөж мөргөмгүй

Буруу бүхэнд согтож жаргамгүй

Буурал сэвлэгээ үнэрлүүлж мөнхөрмөөр

Бурхан сэтгэлээ үерлүүлж дуулмаар

       Миний араншин

       Дураар араншин

                                     2000,06.06...