Бүжинхий бор салхиндаа эрхсэх

Монгол алтан элс

Бүүрэг түшсэн заяандаа элгэмсэх

Мөнхийн алтан ус

Дөрвөн зүгийн тэнгэртээ

Дөлөөр шүхэрлэж дүрэлзэнэ

Дөмөн үүрсэх нутагтаа

Дөрөө шүргэж дөмөлзөнө.

Гурван тэсийн элс

Алтаар нуриглаж урсана.

Гучин гурван говийнхоо

Амин сүлдийг дуулж урсана

                          1999,06,10...

Дөрвөн цагийн эргэлтэнд

Дураараа нүүх

Дөчин зууны дараа

Дурсамж мэт үлдэх

Миний шүлгээ...гэж

Мичид шүргэх Алтайн салхин буюу

Хүний зүрхэнд хөг нэмэх

Хөх талын араншин

Гал зуны аагимд ширээгдэж

Хөлдүү өвлийн харзанд тонгочно

Наргил намрын буданд халамцаж

Яргуйт хаврын аашинд агсарна.

                                 2002 он...

Бодлын хуй үд түлхэлцэн

Алган дээр минь эрхэснэ

Борооны дусал шиг ариухан

Амьдын сайхан диваажинд

Эгшигийн шад хөхөлцөж

Миний шүлэг

Эрхэсийн зайнд

Дураараа тонгочно....

                             1994,12,24

---

Сананадаа санана

Ижийгээ би санана

Санахын хармаар нялхарч

Эрхлэн санана.

Эрхийлэм харцанд нь

Хайр гэрэлтэх

Элгэн халуун тагнайд

Уураг нь амтагдах

Ижийгээ би санана.

Санана даа санана

Санчигных нь мөнгөлөгнөөс

Сүү үнэрлэж санана

Саалийнх нь зэлэн дээр

Шүлэг шигээ гэрэлтэж санана.

                                   1997 он...

Цэгээн сарны хөх хөх туяа шиг

Гэгээн орчлонгийн дунд

Цэвцгэр хурдан шаргаа

Галаар хурайлан дуудах

Чи бидэн хоёроо...... гэж

Үд дундын наран урсгал

Цэн цэнгийн алтан бороотой

Ирэх зуунуудын амин урсгал