Дэлүүн болдгийн

Хөх униарын шившлэгтэй

Дэлгээстэй хадаг шиг намиатах

Хөдөө арлын хөндийд

Тэмүүжин овгийн

Морьдын тоос

Тэнгэр сүлж

Монгол наадам эхлэх үед

Дэлхий тамгалсан

Хэрлэнгийн урсгалтай

Дэлгэр хааны

Хээр азарга

Сум шиг ганцаархнаа цойлсоор

Чингисийн морьдын туурай хатаав

Сулин хээрийн

Чимээ асааж наадам мялаав

Нутаг усандаа

Ажнай хурдан хүлэг

Нууц товчооны

Алтан жолоотой бэлэг

Дэлхий тамгалсан

Хэрлэнгийн урсгалтай

Дэлгэр хааны

Хээр азарга

...

                                                        Говь сүмбэр аймгийн утга

                                                        зохиолын нэгдлийн гишүүдэд зориулав.

Бэл ногоорсон дэнжид  

Агь хөлрөн цэцэгс өндөлзөнө

Битүү морьдын туурайнд

Чулуу шаргиж нар алдарна

Бүүвэйн дуунд үнэгчилж

Салхи хурган аадар шаагахуй

Бүүдгэр бүүдгэр сэтгэлийн манан сэмэрч

Санаа адган ааг оморхол дэвэрнэ

Битүү морьдын

Уяа сойлго жигдэрч

Бидэрч талын

Уулс намсаж өндөлзөнө

Цугтаа явахын их хүслэнд автаж

Найргийн тэнгэрт одод тэмүүлнэ

Цуутай домгийн алтан жолооноос

Насны гэгээн хүслэн ал...

Бор ухаа хөдөө талын хөх манантай

Боржигон нутгийн хөг аялгуу домог цуутай

Борог өвс хөглөрч хөл дэр нэвсэрнэ

Бодлын сүү ивлэж хөхрөх алсад нэвтэрнэ

Энэ ухаа Бор ухаа

Рэнцэнгийн Чойномын гэр ухаа

                                                   1991 он

Буян багасаж нүгэл ихэсвээс

Чи бидэн хоёрт

Буурал хорвоогийн дүнсгэр өдрүүд

Чимээгүй байж үл чадна

Чи бид хоёрын үлгэр төгсөнө

Нүглээ ариусгаж буян үйлдвээс

Чи бидэн хоёр

Нүцгэн талын буурал зооноос

Чийг амсаж хэнзлэх яргуй шиг цэцэглэнэ

Чи бидэн хоёрын үлгэр жаргана.

                                             1995 он       

...

Гурван шарга адуу

Наран хөллөж гүйнэ

Гутамшиггүй жаргал адуу

Найраг хөглөх дуун

Бүүдэн бүүдэн бодол сэмэрч

Хүслийн гал маналзах шиг

Бүгээн анир эвдэн

Хүлгийн төвөргөөн сонсдоно

Хувь заяаны тэнхлэг

Орчлонг дэлдэх шиг

Хул шаргал морьд

Од шүүрч тургилна

Чамд тэмүүлсэн их хүслэн шиг

Цанхтай гурван шарга

Нулимстай тэнгэрийн хаяа сэмэлж

Нутаг, эзэн хоёроо гэж гүйнэ

Агь шимсэн хаврын униар

Адууны салхийг аргадаж хоцорлоо

Гурван шарга адуу

Гүйж явна

Гурамсан хуйвтай уурга

Гүйцэмгүй алсад дөлж давхина

Есөн зоосны шившлэгнээс ч мултарт

Ерөөлийн цэнхэр хадганд намиатсан

Гурвын...