Тэнгэрийн мэлмийд үлдэх

Даль жигүүртний өргөл

Тэрлэг гандааж жаргах

Далдуу цайлган сэтгэл

Навчис цэцэгсийн амин

Онгод сүлсэн найраг

Нар хурын шимэн

Оройтсон боржигоны намар

Буцах шувуудын ганганаанд

Чимээ аядан дүнсийнэ

Будант уулсын зулайгаас

Чийглэг салхин амсана

Оройтсон боржигоны намар

Тогоруудын цуваанд уймарна

Олойртсон тэнгэрийн хаяа

Тогоотой сүүнд үймэрнэ

Хултай айрганд алтрах

Үүлэн чөлөөний наран

Хуурын татлаганд эгшиглэх

Үзэсгэлэнт боржигоны намар

Үелээ мянган толгод

Агийн сөлөнд нялхарна

Үйзэн цэнхэр талын

Алтлаг толионд жаргана.

 

                    ...

Нэгэн  цагт би

Гоёхон шүлэг бичдэг байж

Говьд ургасан

Гоёоны тухай дуулдаг байж

Одоо ....

Огт өөр болж

Галибанга шувуу зууж ниссэн

Ганц өвсний төлөө

Гэнэ гэнэхэн сэтгэлийн дуундаа

Гивлүүр мододын үлгэр зохиодог болж....

                                                                 

                                                                  2004.02.02

...

Солонгын долоон өнгө

Нарны урсгал тээсэн

Согоот булгийн усаа......гэж

Холын сурагтай тэнгэрийн шувууд

Хонон өнжин үдэлдэг

Хорвоогийн нүдэн булаг

Оройтож  хотолсон одод жаргадаг

Орчлонгийн садан булаг

Морь морины тартай

Тэлмэн жороо салхи нааддаг

Нар нарны хур сувдарч

Тэнгэрийн сүлд гэрэлтдэг

Согоот булгийн усаа .......гэж

Газар ижийн галт цав

Согоон цэцэгсийн аагтай

Галзуу хөх дарсаа .

 

                                                      1999.08.20

...

Дугараа эргэх найрынх нь
Дуун түрлэг сулдаа задгай
Дунд л говийн намраа... гэж
Дуниартсан шаргал аялгуу
Говийн хөөрдөм хүүхнүүд
Ингэтлээ сайхан дуулна гэж байдаг аа.
Гоёоны цэцэгсээ халиуртал
Ижилгүй хонгор хоолойгоор уянгалуулна
                                          гэдэг сайхнаа
Зүүн Чойрын бүдэг сар шүлэгч хоёрын
Зүүдийг сэрээтэл уяраана гэж бас
                                          байдаг аа
Дугараа эргэх найран дээр нь
Дуулюу даа гэтэл
Эгчмэдхэн хүүхний
Алтан бөлзөг ирмээд авав уу даа
энгэр цээжний бодол
Алдуурсхийгээд явчихлаа.
Дуу дугараа хоёрт нь халамцаж
Согтож жаргамаар сайхан
Дунд л говийн н...

Гэмшиж баясахын жаргалд
Амраг ханиа гоёсон
Гэрэлт орчилонд
Алаг нүдэн үрсээ гоёсон

Хайрхан уул "Эрхэт"-ийгээ
Дуурайж өөрийгөө гоёсон
халхад цуутай Боржигоныхоо
Дуугаар нь гоёсон

Сүүл хөхөн ямбалж
Цайлган сэтгэлээ жаргааж гоёсон ч
Сүүдрээ огшоож дэрлэхийн цагт л
Богдынхоо голын чулуу чамайг
                            нэрээрээ гоёсон.

                                  2003,05,16

...